کوئٹہ خودکش حملہ ناکام، 6 دہشتگرد ہلاک،2 اہلکار زخمی

کوئٹہ کے زرغون روڈ پر خودکش دھماکے اور فائرنگ کے نتیجے میں 6 دہشت گرد مارے گئے جبکہ 2 ایف سی اہلکار زخمی ہوگئے۔

ذرائع کے مطابق ماڈل ٹاؤن پشین اسٹاپ کے قریب دھماکے سے قریبی عمارتوں کے شیشے ٹوٹ گئے اور علاقے میں خوف و ہراس پھیل گیا۔ پولیس اور ریسکیو ٹیمیں فوری طور پر موقع پر پہنچ گئیں۔

سکیورٹی حکام کا کہنا ہے کہ دہشت گرد گاڑی کے ذریعے حملہ کرنے کی کوشش میں تھے اور ایف سی کی وردی میں ملبوس تھے۔ فورسز کی بروقت کارروائی میں تمام دہشت گرد ہلاک ہوگئے۔

پولیس نے علاقے کو گھیرے میں لے کر سرچ آپریشن شروع کر دیا ہے جبکہ صوبائی محکمہ صحت نے اسپتالوں میں ایمرجنسی نافذ کردی ہے۔