مخصوص نشستوں کا کیس،جسٹس عائشہ ملک اور جسٹس عقیل عباسی کا اختلافی نوٹ

اسلام آباد: مخصوص نشستوں کے فیصلے کیخلاف حکومتی اپیل مسترد کرنے کے کیس میں جسٹس عائشہ ملک اور جسٹس عقیل عباسی کا اختلافی نوٹ سامنے آ گیا۔

نجی ٹی وی کے مطابق اختلافی نوٹ میں کہا گیا ہے کہ کہ ن لیگ، پیپلزپارٹی اورالیکشن کمیشن کی نظرثانی درخواستیں مسترد کی جاتی ہیں،تینوں درخواستیں 9 جولائی 2024کے فیصلے کیخلاف دائر ہوئیں،

اختلافی نوٹ میں کہا گیا ہے کہ الیکشن کمیشن نے 23ستمبرکے تفصیلی فیصلے پر اضافی درخواستیں جمع کرائیں،تمام دلائل پہلے ہی تفصیلی فیصلے میں نمٹائے جا چکے ہیں،وکلا نے مقدمہ دوبارہ دلائل کے ذریعے کھولنے کی کوشش کی۔

اختلافی نوٹ میں ججز کا کہنا تھا کہ نظرثانی کا دائرہ محدود ہوتا ہے، نیا مقدمہ نہیں کھولا جا سکتا، صرف واضح قانونی غلطی والے فیصلے نظرثانی کے قابل ہوتے ہیں،معمولی بے ضابطگی یا اختلاف رائے نظرثانی کی بنیاد پر نہیں بن سکتا۔