جاپان،بھورے جنگلی ریچھوں کے حملوں میں خطرناک حد تک اضافہ،فوج طلب

 

 ٹوکیو: جاپان میں بھورے جنگلی ریچھوں کے حملوں میں خطرناک حد تک اضافہ ہونے کے بعد متاثرہ علاقوں میں فوج کو طلب کرلیا گیا ہے۔

غیر ملکی میڈیا کے مطابق شمالی جاپان میں رواں سال اپریل سے اب تک ریچھوں کے 100 سے زائد حملے رپورٹ ہو چکے ہیں، جن میں متعدد افراد اپنی جانوں سے ہاتھ دھو بیٹھے۔

حکام کا کہنا ہے کہ زیادہ تر حملے اسکولوں، ریلوے اسٹیشنوں اور اشیائے خورونوش کی دکانوں کے قریب پیش آئے ہیں۔

جاپانی حکومت نے ریچھوں کی آبادی پر قابو پانے کے لیے اقدامات تیز کر دیے ہیں۔ مقامی حکام کو ریچھ کے شکار اور قابو پانے کی خصوصی تربیت دی جا رہی ہے۔

Japan's Defense Ministry sent troops to the northern prefecture of Akita to help contain a surge of bear attacks that have horrified residents in the mountainous region. The animals have shown up near schools, train stations, supermarkets and a hot springs resort.… pic.twitter.com/0Dmkq33xy3

— CBS Evening News (@CBSEveningNews) November 6, 2025

اکیتا ریجن کے گورنر کے مطابق مقامی ادارے وسائل کی کمی کے باعث ریچھوں کے مسئلے سے نمٹنے میں مشکلات کا سامنا کر رہے ہیں۔

حکومت نے سب سے زیادہ متاثرہ علاقوں میں فوج کو تعینات کیا ہے جو ریچھوں کو قابو کرنے کے لیے جال پھینکنے والے آلات اور خصوصی اسپرے استعمال کر رہی ہے۔