کالعدم تحریک لبیک کے خلاف 12 مقدمات کی تحقیقات کے لیے 12 JITs تشکیل

محکمہ داخلہ پنجاب نے کالعدم تحریک لبیک کے خلاف 12 مقدمات کی تفتیش کے لیے 12 مشترکہ تحقیقات ٹیمیں (JITs) تشکیل دے دی ہیں۔ نوٹیفکیشن کے مطابق ان میں سے 7 JITs لاہور اور 5 شیخوپورہ میں درج مقدمات کی تحقیقات کریں گی۔ یہ ٹیمیں دہشت گردی سمیت دیگر سنگین دفعات کے تحت درج مقدمات کی تحقیقات کریں گی اور ان میں پولیس، سی ٹی ڈی اور حساس اداروں کے نمائندے شامل ہوں گے۔ پنجاب پولیس کی درخواست پر یہ JITs تشکیل دی گئی ہیں تاکہ مقدمات کی شفاف اور مؤثر تحقیقات کی جا سکیں۔ پولیس کے مطابق کالعدم تحریک لبیک کے خلاف 75 سے زائد مقدمات درج ہیں جن میں 2 ہزار سے زائد نامزد افراد گرفتار ہیں۔