بم بنانے کا الزام،ٹیکساس میں افغان شہری گرفتار

واشنگٹن (اُمت نیوز)امریکی ریاست ٹیکساس میں ایک افغان شہری جس کا نام محمد داوئد ہے کو بم بنانے کی ویڈیو  اپ لوڈ کرنے اور عمارت کو دھماکے سے اڑانے کی دھمکی دینےپر گرفتار کیا گیا ہے۔

امریکی محکمہ ہوم لینڈ سیکیورٹی کے مطابق تفتیش کاروں نے ایک افغان شہری کو اس وقت گرفتار کیا گیا  جب اس نے ٹک ٹاک پر ایسی ویڈیو اپ لوڈ کی جس میں وہ مبینہ طور پر بم تیار کرتا دکھائی دے رہا تھا۔ ویڈیو میں ٹیکساس کے شہر فورٹ ورتھ کی ایک عمارت کو دھماکے سے اڑانے کی دھمکی بھی دی گئی تھی۔

Just one day before the Terrorist attack against our @NationalGuard, another Afghan national who was paroled into the United States under Biden’s Operation Allies Welcome was arrested for threatening to blow up a building in Fort Worth.

Mohammad Dawood Alokozay posted a video… pic.twitter.com/kKg6A2iCLl

— Tricia McLaughlin (@TriciaOhio) November 29, 2025

ڈی ایچ ایس کی اسسٹنٹ سیکریٹری ٹریسیا میک لافلن نے گزشتہ روز اپنے سوشل میڈیا پیغام میں بتایا کہ محمد داؤد آلوکوزے کے خلاف ریاستی سطح پر دہشت گردی کا خطرہ پیدا کرنے کا مقدمہ درج کیا گیا ہے۔ عدالتی ریکارڈ کے مطابق، آلوکوزے کو ٹیرنٹ کاؤنٹی، ٹیکساس کے ایک اصلاحی مرکز میں رکھا گیا ہے۔

🚨Update: 'Kill ALL YOU INFIDELS' Terrorist Afghan's BOMB CLIP as TERROR FEDS swoop in Texas!! pic.twitter.com/RpDgcqnvQ0

— US Homeland Security News (@defense_civil25) November 30, 2025

یہ واقعہ ایک ایسے وقت پیش آیا جب ایک روز قبل نیشنل گارڈ کے دو اہلکاروں کو واشنگٹن ڈی سی میں ایک اور افغان شہری کی فائرنگ کا سامنا کرنا پڑا۔ 29 سالہ رحمان اللہ لکنوال کی فائرنگ کے نتیجے میں گارڈ ممبر سارہ بیکسٹروم جان کی بازی ہار گئیں۔ لکنوال کے خلاف فرسٹ ڈگری قتل کا مقدمہ زیرِ سماعت ہے۔

حکام کے مطابق دونوں واقعات کے محرکات کی الگ الگ تحقیقات جاری ہیں۔