3 سالہ بچے ابراہیم کی لاش تلاش کرنے والے خاکروب پرپولیس تشدد کا انکشاف

کراچی: نیپا چورنگی پر مین ہول میں گرنے والے 3 سالہ بچے ابراہیم کی لاش تلاش کرنے والے خاکروب نے پولیس کے تشدد کا انکشاف کیا ہے۔

خاکروب نے بتایا کہ بچے کی تلاش کے بعد جب وہ لاش لے کر آیا تو پولیس نے اسے تھپڑ مارے اور گاڑی سے اتار دیا۔ واقعہ اتوار کی رات 11 بجے پیش آیا، جب کمسن ابراہیم کھلے مین ہول میں گر گیا تھا۔

ریسکیو اہلکاروں نے ابتدائی تلاش کے باوجود بچے کو نہ ڈھونڈ سکا، جس کے بعد مقامی افراد نے ہیوی مشینری سے مدد لی اور تقریباً ڈیڑھ کلومیٹر دور نالے سے بچے کی لاش نکالی گئی۔

علاقہ کونسلر کا کہنا تھا کہ بچے (خاکروب) نے ابراہیم کو تلاش کرکے گھر والوں کے حوالے کیا، اور انہیں اس کا کریڈٹ جانا چاہیے کیونکہ واٹر بورڈ کے ادارے رات بھر موجود تھے لیکن بچے کی لاش تلاش نہ کر سکے۔