جنگ بندی برقرار رکھنے کے لیے اسرائیل پر مزید دباؤ بڑھایا جائے،حماس

 

فلسطینی مزاحمتی تحریک حماس نے عالمی برادری سے مطالبہ کیا ہے کہ اسرائیل پر دباؤ بڑھایا جائے تاکہ جاری جنگ بندی کو برقرار رکھا جا سکے۔

عرب میڈیا کے مطابق حماس کے سینئر رہنما حسام بدران نے کہا کہ اگر اسرائیل کی جانب سے جارحانہ کارروائیاں جاری رہیں تو طے شدہ جنگ بندی کو برقرار رکھنا مشکل ہو جائے گا۔ انہوں نے زور دیا کہ اسرائیل کو طے شدہ معاہدوں پر عمل درآمد کرنے کے لیے عالمی دباؤ میں اضافہ کیا جائے۔

دوسری جانب فلسطینی وزارت صحت نے بتایا کہ اسرائیلی فورسز نے 10 اکتوبر کے سیز فائر معاہدے کے بعد اب تک 377 فلسطینی شہریوں کو شہید کر دیا ہے۔

حماس کے مطالبات اور بڑھتی ہوئی اسرائیلی کارروائیاں عالمی برادری کی توجہ اور ثالثی کی کوششوں کو مزید اہم بنا رہی ہیں۔