چیئرمین پی سی بی زخمی وکٹ کیپر شایان کی عیادت کیلئے ہسپتال پہنچ گئے

دبئی: پاکستان انڈر 19 کرکٹ ٹیم کے وکٹ کیپر محمد شایان دوران فیلڈنگ زخمی ہو گئے۔ زخمی کھلاڑی کی عیادت کے لیے پاکستان کرکٹ بورڈ کے چیئرمین محسن نقوی فوری طور پر اسپتال پہنچے۔

چیئرمین پی سی بی نے زخمی وکٹ کیپر کو اپنی نگرانی میں ایمبولنس کے ذریعے اسپتال منتقل کیا اور ڈاکٹرز کو ہدایت کی کہ شایان کو بہترین علاج فراہم کیا جائے۔ محسن نقوی نے کہا کہ "ہمارے پلیئر کو نظر لگ گئی ہے” اور زخمی کھلاڑی کی عیادت کر کے اس کی جلد صحتیابی کی دعا کی۔

دبئی میں پاکستانی کرکٹ ٹیم کے وکٹ کیپر محمد شایان فیلڈنگ کرتے ہوئے زخمی, چیئرمین محسن نقوی نے اپنی نگرانی میں ایمبولنس میں ڈلوا کر روانہ کیا, ڈاکٹرز کو شایان کو بہترین میڈیکل ٹریٹمنٹ دینے کی ہدایت, محسن نقوی کا کہنا تھا کہ ہمارے پلیئر کو نظر لگ گئی ہے, محسن نقوی نے ہسپتال پہنچ کر… pic.twitter.com/p4IuTOqsSO

— Qadir Khawaja (@iamqadirkhawaja) December 21, 2025

واضح رہے کہ انڈر 19 ایشیا کپ کے فائنل میں پاکستان نے بھارت کو 191 رنز سے شکست دے کر ٹائٹل اپنے نام کیا تھا۔ اس فتح پر صدر مملکت آصف علی زرداری، وزیراعظم شہباز شریف اور قومی سیاسی قیادت سمیت عوام نے ٹیم کو مبارکباد پیش کی۔

یہ واقعہ نوجوان کھلاڑی کی فیلڈنگ کے دوران زخمی ہونے کے باوجود ٹیم کی شاندار کارکردگی کی یاد دہانی بھی ہے، اور پی سی بی کے چیئرمین کی فوری مدد و توجہ کھلاڑیوں کے تحفظ کے عزم کو ظاہر کرتی ہے۔