روس نے مشرقی یوکرین میں مزید 6 آبادیوں پر قبضے کا دعویٰ کر دیا

ماسکو: روس کی وزارتِ دفاع نے اتوار کے روز دعویٰ کیا ہے کہ روسی افواج نے مشرقی یوکرین میں مزید 6  علاقوں کا کنٹرول سنبھال لیا ۔

وزارتِ دفاع کے مطابق روسی فوج نے یوکرین کے ڈونیٹسک ریجن میں واقع ہولیا ئی پولے، میرنوہراڈ، آرٹی میوکا، رودینسکے اور ویلنے جبکہ زاپوریزیا ریجن کے علاقے اسٹیپنوہرسک پر قبضہ کر لیا ۔

روسی حکام کا کہنا ہے کہ یہ پیش رفت زمینی کارروائیوں کے دوران ہوئی تاہم خبر رساں ادارے رائٹرز کے مطابق وہ اس دعوے کی آزادانہ طور پر تصدیق نہیں کر سکا۔

واضح رہے کہ مشرقی یوکرین میں روس اور یوکرین کے درمیان شدید لڑائی جاری ہے ، دونوں جانب سے زمینی حقائق کے حوالے سے متضاد دعوے سامنے آ رہے ہیں۔