خامنہ ای نے ٹرمپ کو فرعون سے تشبیہ دے دی،تصویر سوشل میڈیا پر شیئر

تہران: ایرانی سپریم لیڈر آیت اللہ علی خامنہ ای نے امریکی صدر ڈونلڈ ٹرمپ کو قدیم فرعون سے تشبیہ دیتے ہوئے سوشل میڈیا پر ایک تصویر شیئر کی ہے، جس میں ٹرمپ کو ایک ٹوٹتے ہوئے تابوت کے ساتھ دکھایا گیا ہے۔

خامنہ ای نے کہا کہ مغرور حکمران جو دنیا پر غلبہ حاصل کرنے کی کوشش کرتے ہیں، بالآخر اقتدار سے ہٹا دیے جاتے ہیں، جیسے فرعون، نمرود، رضا خان اور محمد رضا۔ انہوں نے خبردار کیا کہ ٹرمپ کا انجام بھی انہی ظالم حکمرانوں جیسا ہوگا۔

آن بابایی که با نخوت و غرور نشسته آنجا راجع به همه‌ی دنیا قضاوت میکند، او هم بداند که معمولاً‌ مستبدّین و مستکبران عالم، از قبیل فرعون و نمرود و رضاخان و محمّدرضا و امثال اینها، وقتی که در اوج غرور بودند سرنگون شدند،
این هم سرنگون خواهد شد.#مثل_فرعون pic.twitter.com/hxzJVQQOiL

— KHAMENEI.IR | فارسی (@Khamenei_fa) January 11, 2026

یہ پوسٹ ایسے وقت سامنے آئی ہے جب ٹرمپ نے ایران کی قیادت کے خلاف دھمکیاں دی ہیں، جن میں ملک میں احتجاجی مظاہروں اور داخلی بے چینی سے متعلق بیانات شامل ہیں۔

ایرانی وزیر خارجہ عباس عراقچی نے کہا کہ امریکا سے بات چیت کا دروازہ کھلا ہے، لیکن اگر حملہ ہوا تو ایران جنگ کے لیے بھی تیار ہے۔ عراقچی نے مزید کہا کہ فسادات کا مقصد امریکا کو مداخلت کا جواز دینا تھا۔