کوئٹہ سے چلنے والی تمام ٹرینیں معطل

 

کوئٹہ: کوئٹہ سے اندرون ملک اور صوبے کے دیگر شہروں جانے والی تمام ٹرینیں معطل کر دی گئی ہیں۔

ریلوے ذرائع کے مطابق کوئٹہ سے پنجاب جانے والی جعفر ایکسپریس، کراچی جانے والی بولان میل اور کوئٹہ سے چمن جانے والی چمن پاسنجر ٹرینیں معطل ہیں۔ پشاور سے آنے والی جعفر ایکسپریس کو بھی جیکب آباد پر روک دیا گیا ہے، جبکہ متاثرہ مسافروں کے ٹکٹ واپس کیے جائیں گے۔

واضح رہے کہ 29 جنوری 2026 کو سکیورٹی فورسز نے بلوچستان کے ہرنائی علاقے میں کارروائی کرتے ہوئے 30 اور پنجگور میں 11 دہشت گرد ہلاک کیے تھے۔ دوسری جانب آج بھی دہشت گردوں نے پولیس پر حملہ کیا، جس کے نتیجے میں 2 اہلکار شہید اور 3 زخمی ہو گئے، جبکہ گزشتہ شب سی ٹی ڈی کی کارروائی میں 3 دہشت گرد ہلاک ہوئے تھے۔