لاہور ہائیکورٹ:11 ججز نے مستقل ہونے پر حلف اٹھا لیا

لاہور: لاہور ہائیکورٹ کے 11 مستقل ججز نے اپنے عہدوں کا حلف اٹھا لیا۔

چیف جسٹس لاہور ہائیکورٹ عالیہ نیلم نے ججز سے حلف لیا۔ تقریب میں وفاقی وزیر قانون اعظم نذیر تارڑ، ایڈوکیٹ جنرل پنجاب، پراسیکوٹر جنرل پنجاب اور دیگر سینئر وکلا نے شرکت کی۔

مستقل ہونے والے ججز میں جسٹس حسن نواز مخدوم، جسٹس ملک وقار حیدر اعوان، جسٹس سردار علی اکبر، جسٹس احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک اویس خالد، جسٹس سلطان محمود، جسٹس تنویر احمد شیخ اور جسٹس عبہر گل خان شامل ہیں۔