تھرپارکر میں غذائی قلت اوربیماریوں کے باعث 6 بچے جاں بحق

 

تھرپارکر: غذائی قلت اور بیماریوں کے باعث تھرپارکر کے سول ہسپتال مٹھی میں گزشتہ 5 روز کے دوران مزید 6 بچے جاں بحق ہوگئے۔

ہسپتال ذرائع کے مطابق بچے مختلف بیماریوں اور کمزور قوتِ مدافعت کی وجہ سے زیرِ علاج تھے۔

ذرائع کے مطابق گزشتہ ایک ماہ میں مٹھی ہسپتال میں مختلف امراض سے مرنے والے بچوں کی تعداد 50 ہو گئی ہے۔

ایم ایس سول ہسپتال مٹھی کا کہنا ہے کہ بچوں کی اموات کا سبب گھروں میں زچگی اور کم وزن کے ساتھ پیدائش بھی ہے۔