فرانس نے 1916 میں چرایا ڈھول آئیوری کوسٹ کو واپس کردیا

فرانس نے نوآبادیاتی دور کا چوری شدہ ‘ٹاکنگ ڈرم’ آئیوری کوسٹ واپس بھیج دیا

فرانس نے جمعہ کے روز نوآبادیاتی دور میں آئیوری کوسٹ سے 1916 میں چوری شدہ “ٹاکنگ ڈرم” واپس کر دیا۔ یہ ڈرم ڈیجی آیوکوے قبیلے کی ہے، جو تین میٹر (10 فٹ) سے زیادہ لمبا اور 430 کلو وزنی ہے اور پیغامات کی ترسیل کے لیے استعمال ہوتا تھا۔

یہ ڈرم ان سیکڑوں نوادرات میں سے ایک ہے جسے فرانس افریقہ کو واپس بھیجنے کی تیاری کر رہا ہے، جس میں نئے قانون کے تحت بڑے پیمانے پر وطن واپسی کی کوششوں میں تیزی لائی گئی ہے۔

آئیوری کوسٹ کے وزیر ثقافت فرانسوا ریمارک نے پیرس میں اپنے فرانسیسی ہم منصب رچیدا داتی کے ساتھ ایک تقریب میں کہا کہ “تمام آئیوری کوسٹ اس کے استقبال کے لیے تیار ہے۔” انہوں نے مزید کہا کہ وہ “اس علامت کی واپسی سے انتہائی متاثر ہیں جو آخر کار اپنے وطن واپس آ رہی ہے۔”

یہ ڈرم اب آئیوری کوسٹ کے تجارتی دارالحکومت عابدجان میں تعمیر کیے جانے والے نئے میوزیم میں مستقل نمائش کے لیے رکھا جائے گا۔

فرانس کی سابقہ کالونیوں جیسے الجزائر، مالی اور بینن سے بھی معاوضے اور نوادرات کی واپسی کے مطالبات موجود ہیں۔ یورپی ممالک آہستہ آہستہ اپنی سابقہ کالونیوں کے ساتھ تعلقات مضبوط کرنے کے لیے نوآبادیاتی دور کے چوری شدہ فن پارے اور قیمتی اشیاء واپس کر رہے ہیں۔