سعودیہ، قطر اور اردن کا خطے کی سلامتی کیلیے مشترکہ تعاون بڑھانے پر غور

ریاض : سعودی ولی عہد محمد بن سلمان، اردن کے شاہ عبداللّٰہ اور امیر قطر شیخ تمیم بن حمد الثانی کے درمیان سہ فریقی ملاقات ہوئی، جس میں خطے کی تازہ ترین صورتحال اور بڑھتی فوجی کشیدگی کے اثرات پر بات چیت کی گئی۔

انرجی سپلائی اور بین الاقوامی نقل و حمل کی آزادی کو لاحق خطرات بھی موضوع بحث آئے۔ تینوں رہنماؤں نے خطے کی سلامتی اور استحکام کے لیے مشترکہ کوششوں اور تعاون بڑھانے پر بھی بات کی۔

بحثت مع أخي سمو الأمير محمد بن سلمان تطورات الأوضاع في المنطقة، وما تشهده من تصعيد ينعكس على الأمن والاستقرار إقليميًا ودوليًا. وأكدنا ضرورة تنسيق الجهود وتعزيز العمل المشترك، بما يدعم الحلول السلمية ويحد من تداعيات هذه المرحلة. pic.twitter.com/nS3oZYqhev

— تميم بن حمد (@TamimBinHamad) March 30, 2026

امیر قطر شیخ تمیم بن حمد الثانی نے سعودی عرب کے شہر جدہ کا دورہ مکمل کرنے کے بعد سوشل میڈیا پر جاری پیغام میں کہا کہ ہم نے اس بات کی ضرورت پر زور دیا کہ مشترکہ کوششوں کو ہم آہنگ کیا جائے اور پرامن حل کی حمایت کے لیے اقدامات بڑھائے جائیں تاکہ موجودہ صورتحال کے اثرات کو کم کیا جا سکے۔