ننکانہ صاحب: 9 سالہ بچی کو اغوا کرکے زیادتی کے بعد قتل کرنے والے 3 ملزمان مارے گئے
ملزمان ڈکیتی کے بعد فرار ہو رہے تھے، سی سی ڈی ٹیم نے تعاقب کیا۔ فائرنگ کے تبادلے میں تینوں مبینہ ڈاکو ہلاک ہوگئے۔
فائل فوٹو
ننکانہ صاحب : پنجاب کے ضلع ننکانہ صاحب کے تھانہ صدر کی حدود میں ڈکیتی کے بعد موٹر سائیکل چھین کر فرار ہونے والے ملزمان کا سی سی ڈی سے مبینہ مقابلہ ہوا۔
پولیس کے مطابق ملزمان ڈکیتی کے بعد فرار ہو رہے تھے، سی سی ڈی ٹیم نے تعاقب کیا۔ فائرنگ کے تبادلے میں تینوں مبینہ ڈاکو ہلاک ہوگئے۔
پولیس ذرائع کے مطابق ہلاک ملزمان کے نام ہارون، علی حسنین اور عاکف بتائے جارہے ہیں۔ ہلاک ملزمان ننکانہ میں چند روز قبل 9 سالہ رفعت فاطمہ کے اغوا، زیادتی اور قتل کے مقدمے میں مطلوب تھے۔
ملزمان کے قبضے سے ناجائز اسلحہ اور چھینی گئی موٹر سائیکل برآمد ہوئی، جبکہ تین ساتھی اندھیرے میں فرار ہوگئے، جن کی تلاش جاری ہے۔
شہریوں نے سی سی ڈی ٹیم کی کارروائی پر اطمینان کا اظہار کرتے ہوئے خراج تحسین پیش کیا۔