آیت نور کے بعد منت نور- ایبٹ آباد میں ایک اور بچی سے زیادتی کی کوشش

ایبٹ آباد میں پیش آنے والے ایک اور دلخراش واقعے میں نجی اسکول نملی میر اکالاں کی 5 سالہ طالبہ ملت نور کے ساتھ اسکول کے اوقات میں جنسی زیادتی کی کوشش کا انکشاف ہوا ہے۔

ریپ کی دفعہ 376 کے تحت درج ایف آئی آر کے متن کے مطابق ملزم بچی کو اسکول کے باتھ روم میں لے گیا اور وہاں اس کے ساتھ زیادتی کی۔ تاہم ڈی ایس پی گلیات کے مطابق بچی سے زیادتی کی کوشش کی گئی۔

پولیس کے مطابق اسکول سے گھر آنے کے بعد متاثرہ بچی نے پہلے اپنی والدہ کو اور پھر اسپتال میں لیڈی ڈاکٹر کو اسکول کے باتھ روم میں پیش آنے والے اس واقعے سے آگاہ کیا۔

طبیعت خراب ہونے پر متاثرہ بچی کو فوری طور پر ڈی ایچ کیو اسپتال ایبٹ آباد منتقل کر دیا گیا جہاں لیڈی ڈاکٹر کی زیر نگرانی متاثرہ بچی کا طبی معائنہ کیا گیا۔

پولیس نے واقعے کا مقدمہ درج کر کے تفتیش شروع کر دی ہے اور ملزم کی تلاش کے لیے مختلف مقامات پر چھاپے مارے جا رہے ہیں۔

آیت نور کے مطابق منت نور، ایبٹ آباد میں ایک اور کم سن بچی سے زیادتی کی کوشش

مخلوط اسکول والے نجی اسکول میں لڑکے نے بچی کو نشانہ بنایا گیا، پولیس افسران کی پریس کانفرنس pic.twitter.com/ag1HhwHI11

— Daily Ummat (@ummatdigitalpk) August 26, 2026

ڈی ایس پی گلیات نے اس واقعے کی تصدیق کرتے ہوئے پریس کانفرنس میں بتایا کہ ایبٹ آباد میں جس بچی کو نشانہ بنایا گیا اس کا نام ملت نور ہے۔

اس سے قبل ہری پور میں 5 سال کی بچی آیت نور کو زیادتی کے بعد قتل کر دیا گیا تھا جس کی لاش 14 دن بعد برآمد ہوئی تھی۔

ڈی ایس پی کے مطابق یہ نجی اسکول ہے جس میں لڑکے لڑکیوں کو ساتھ تعلیم دی جاتی ہے اور لڑکی کو اسکول کے ایک لڑکے نے نشانہ بنایا۔