سیلاب سے تباہ کاریاں: وزیر اعظم کا نیپالی ہم منصب سے رابطہ، امداد کی پیشکش

وزیر اعظم نے نیپالی ہم منصب سے ٹیلیفونک رابطہ کیا جس میں حالیہ سیلاب سے ہونے والی تباہ کاریوں پر گہرے دکھ اور افسوس کا اظہار کیا گیا۔ اس موقع پر وزیر اعظم نے نیپال کے لیے ہر ممکن امداد کی پیشکش بھی کی تاکہ مشکل کی اس گھڑی میں متاثرہ بھائیوں کی مدد کی جا سکے۔

نیپالی حکومت اور عوام کو اس قدرتی آفت سے نبرد آزما ہونے کے لیے پاکستان کی جانب سے مکمل تعاون کا یقین دلایا گیا ہے۔ دونوں رہنماؤں کے درمیان ہونے والی اس گفتگو میں خطے میں موسمیاتی تبدیلیوں کے اثرات اور اس سے نمٹنے کے لیے باہمی تعاون بڑھانے پر بھی تبادلہ خیال کیا گیا۔