پاک کالونی میں مخالف گروپ کی فائرنگ سےگینگ وارکارندہ ہلاک

کراچی(اسٹاف رپورٹر)پاک کالونی میں مخالف گروپ کی فائرنگ سے گینگ وار کارندہ ہلاک ہوگیا۔ ریڑھی گوٹھ قبرستان کی جھاڑیوں سےتشدد زدہ لاش ملی ۔تفصیلات کے مطابق پرانا گولیمار میں فائرنگ سے22 سالہ عبدالرحمن ہلاک ہوگیا۔ایس ایچ او ارشد خان کے مطابق مقتول منگھو پیر کا رہائشی اورمنشیات فروش تھا اس کا تعلق گینگ وارساجد ماجد نیٹ ورک سے تھا ۔ پولیس کے مطابق مقتول کسی سے ملنے آیا تھا کہ مخالف گروپ نےفائرنگ کرکے ماردیا۔ دریں اثناریڑھی گوٹھ قبرستان سے متصل جھاڑیوں سے32سالہ شخص کی تشدد ذدہ لاش ملی ۔