ووٹرز کی تعداد 3 لاکھ سے زائدخواتین ایک لاکھ 20 ہزار 734

کراچی ( اسٹاف رپورٹر) این اے 248میں شامل بیشتر علاقے سابقہ حلقہ بندی کے تحت این اے 239کا حصہ تھے،جن میں ماری پور، گابوپٹ، ہاکس بے، مشرف کالونی، بدھنی گوٹھ، کسٹم ہاوس، پی اے ایف بیس مسرور، مواچھ گوٹھ،کیماڑی، منوڑہ کنٹونمنٹ سمیت بلدیہ کے چند علاقے شامل ہیں۔ الیکشن کمیشن کے مطابق یہاں کل رجسٹرڈ ووٹرز کی تعداد 3لاکھ 3ہزار 258 ہیں، جن میں ایک لاکھ 20ہزار 734خواتین ہیں۔ ذیلی صوبائی حلقوں پی ایس 112میں ایک لاکھ 31ہزار 219 جب کہ پی ایس 113میں ایک لاکھ 47ہزار 904 رجرسٹرڈ ووٹرز ہیں، جن میں خواتین ووٹرز کی تعداد بالترتیب 52ہزار 893اور 58ہزار 530ہے۔