’’کتاب‘‘ کی کامیابی کراچی کی تعمیر نو اور روشن مستقبل کی ضمانت ہے – حافظ نعیم

کراچی (اسٹاف رپورٹر) حلقہ این اے 250 سے نامزد ایم ایم اے امیدوار حافظ نعیم الرحمن نے کہا ہے کہ کتاب کی کامیابی کراچی میں امن، تعمیر نو اور روشن مستقبل کی ضمانت ہو گی۔ عوام کو کے الیکٹرک اور نادرا کے حوالے سے ریلیف دلایا، پانی کے بحران اور دیگر مسائل کے حل کے لئے آواز اٹھائی، کامیاب ہو کر پانی اور ٹرانسپورٹ سمیت دیگر مسائل بھی حل کرائیں گے۔ عوام کل 25 جولائی کو لوٹوں، لٹیروں، چوروں اور ڈاکوؤں سے نجات حاصل کریں اور کتاب پر مہر لگا کر مجلس عمل کو کامیاب بنائیں۔