ہاکی پلیئرسمیع اللہ نے بھی پارٹی بدل لیں

لاہور(امت نیوز)پرائیڈ آف پرفارمنس اور ستارہ امتیاز حاصل کرنے والے قومی ہاکی ٹیم کے سابق مایہ ناز ہاکی پلیئر( فلائنگ ہورس) سمیع اللہ نے حلقہ این اے 122شیخوپورہ سے پی ٹی آئی کے امیدوار و سابق ایم پی اے رانا علی سلمان کی حمایت کا اعلان کردیا۔ انہوں نے اپنے ایک ویڈیو پیغام میں کہا کہ 25 جولائی الیکشن کا دن ہے ،عوام الیکشن میں ضرور ووٹ ڈالیں اور اپنی امانت کسی اچھے آدمی کو دیں اور میری نظر میں بہترین آدمی رانا علی سلمان ہے،وہ سپورٹس مین ہے اور حلقہ این اے 122 شیخوپورہ سے پی ٹی آئی کے ٹکٹ پر قومی اسمبلی کا الیکشن لڑ رہے ہیں۔شیخوپورہ سٹیڈیم ٹرسٹ کے ممبر اور پنجاب اسمبلی کرکٹ ٹیم کے رکن رہ چکے ہیں۔