آزادی کپ ٹین پن بائولنگ چمپئن شپ آئندہ ماہ کھیلی جائیگی

اسلام آباد(امت نیوز)پاکستان ٹین پن بائولنگ فیڈریشن کے زیراہتمام آزادی کپ ٹین پن بائولنگ چمپئن شپ 10 اگست سیلیزر سٹی بائولنگ کلب، جناح پارک راولپنڈی میں شروع ہوگی، پاکستان ٹین پن بائولنگ فیڈریشن کے سیکرٹری جنرل اعجاز الرحمن نے بتایا کہ چمپئن شپ کی تیاریاں زور و شور پر ہیں اور یہ ایونٹ پہلی بار راولپنڈی میں کھیلا جائیگا، انہوں نے کہا کہ چمپئن شپ میں آٹھ کیٹیگریز کے مقابلے منعقد ہونگے جن میں مردوں کے سنگلز، ڈبلز، ٹیم، ڈیف، خواتین، انڈر -12، انڈر -16 اور میڈیا کے ایونٹ شامل ہیں، انہوں نے کہا کہ چمپئن شپ میں اسلام آباد اور راولپنڈی کے کھلاڑی حصہ لیں گے اورچمپئن شپ 14 اگست تک جاری رہے گی۔