اظہر علی انگلش کائونٹی میں چھا گئے

ووسٹر(امت نیوز) انگلش کاؤنٹی کرکٹ کے اپنے ڈیبیو میچ میں پاکستانی اوپنر اظہر علی نے سنچری داغ دی۔اظہر علی نے سنچری بنانے کا یہ کارنامہ ووسٹرشائر سے میچ میں سمرسٹ کی نمائندگی کرتے ہوئے انجام دیا،اظہر نے دوسری اننگز میں 125رنز بنائے، وہ ریورس سوئپ شاٹ کھیلتے ہوئے معین علی کی گیند پر ملٹن کا کیچ بنے۔ انھوں نے پہلی اننگز میں37رنز اسکور کیے تھے۔اظہر علی کی ٹیم نے دوسری اننگز 9 وکٹ362 پر ڈیکلیئرڈ کی۔