پاکستان والی بال ٹیم برما میں ان ایکشن ہوگی

اسلام آباد(امت نیوز) قومی بال ٹیم کے کوچ مظہر حسین گوجر نے کہا ہے کہ قومی ٹیم ایشین کلب والی بال چیمپئن شپ میں شاندارکارگردگی کا مظاہرہ کرے گی۔ یہ چیمپئن شپ 30 جولائی سے 6 اگست تک برما، میانمار میں کھیلی جائے گی۔ گذشتہ روز میڈیا سے گفتگو کرتے ہوئے انہوں نے کہا کہ 12 رکنی قومی ٹیم ایشین کلب والی بال چیمپئن شپ میں شرکت کرے گی۔ 12 رکنی قومی ٹیم کی قیادت محب رسول کریں گے دیگر کھلاڑیوں محمد ادریس، شیراز، دلاور خان، مبشر رضا، منیر احمد، وسیم خان، محمد آصف، کاشف، ناصر لبرو، فہد رضا اور امل خان شامل ہیں جبکہ ٹیم کے ہمراہ کوچنگ کے فرائض کوچز مظہر حسین گوجر اور محمد اظہر انجام دیں گے۔ انہوں نے کہا کہ ایشین کلب والی بال چیمپئن شپ 18 سے زائد ممالک کی ٹیمیں حصہ لیں گی۔