قومی انڈر12بیس بال ٹیم کا تربیتی کیمپ جاری

راولپنڈی(امت نیوز)پاکستان انڈر 12 بیس بال ٹیم بی ایف اے انڈر بیس بال چیمپئن شپ کیلئے کھلاڑیوں کا تربیتی کیمپ جاری ہے۔ پاکستان بیس بال فیڈریشن کے صدر سید فخر علی شاہ نے بتایا کہ ایونٹ کی تیاری کیلئے کھلاڑیوں کا تربیتی کیمپ کوچ عاقب شیرازی کی زیر نگرانی 12 اگست تک جاری رہے گا۔ انہوں نے کہا کہ چیئرمین پاکستان فیڈریشن بیس بال شوکت جاوید کی ہدایت پر ایک مضبوط ٹیم کی تشکیل کیلئے سخت محنت کی جارہی ہے۔ انہوں نے کہا کہ مئی میں ہونے والی قومی انٹر سکول بیس بال چیمپئن شپ میں عمدہ کارکردگی کا مظاہرہ کرنے والے کھلاڑی تربیتی کیمپ میں حصہ لے رہے ہیں۔