بیجنگ میں امریکی سفارت خانے کے باہر کریکر حملہ۔ملزم گرفتار

بیجنگ (مانیٹرنگ ڈیسک )چین میں امریکی سفارت خانے کے باہر کریکر دھماکہ ہوا تاہم کسی کےہلاک و زخمی یا ہونے کی اطلاعات نہیں ملیں ۔غیر ملکی خبر رساں ادارے کے مطابق بیجنگ میں امریکی سفارت خانے باہر نصب سی سی ٹی وی کیمروں کی ویڈیو اور تصاویر میں عمارت کے اردگرد دھواں اٹھتے دیکھا جاسکتا ہے، جبکہ پولیس کی متعدد گاڑیاں بھی نظر آرہی ہیں۔ترجمان امریکی سفارت خانہ کے بیان میں کہا گیا کہ دھماکہ دوپہر 1 بجے کے قریب جنوب مشرقی کمپاؤنڈ میں ہوا ۔ پولیس ترجمان نے بتایا کہ سیکورٹی اہلکاروں نےملزم کو حراست میں لے لیا ہے، دھماکے میں ملزم کا بازو زخمی ہوا ہے جسےاسپتال منتقل کردیا گیا تھا۔ مشتبہ حملہ آور کی شناخت جیانگ کے نام سے ہوئی ، جس کا تعلق صوبے انّر منگولیا سے ہے ۔