کامیابی کے بعد شہر کے مسائل حل کرنا ہم پر فرض ہوگیا- عارف علوی

کراچی(مانیٹرنگ ڈیسک) تحریکِ انصاف کے رہنما عارف علوی نے کہا ہے کہ الیکشن میں اکثریت حاصل کرنے کے بعدہم پر کراچی کے مسائل حل کرنا فرض ہو گیا ہے۔میڈیا سے گفتگو کرتے ہوئے ان کا کہنا تھا کہ کراچی نے عمران خان اور پی ٹی آئی کا بھرپور ساتھ دیا ہے، اب کراچی کے مسائل حل کرنا ان پر فرض ہو چکا ہے۔انہوں نے کہا کہ میں نے عمران خان سے کہا ہے کہ کراچی کے لیے ایک ٹاسک فورس بنائیں، جو کراچی کے مسائل کو حل کرے۔پی ٹی آئی لیڈر عارف علوی کا کہنا تھا کہ اس وقت ضرورت اس بات کی ہے کہ اختیارات بلدیاتی نمائندوں کو منتقل کر دیے جائیں۔