کوہاٹ میں 5 مطلوب اشتہاریوں سمیت 30مشتبہ گرفتار

کوہاٹ (بیورو رپورٹ )کوہاٹ پولیس نے مختلف مقامات پر کارروائیوں میں پانچ مطلوب اشتہاریوں سمیت 30مشتبہ افراد کو گرفتار کرلیا ہے ۔زیر حراست افراد کے قبضے سے ناجائز اسلحہ ومنشیات بھی برآمد کرلئے گئے ہیں۔ڈسٹرکٹ پولیس آفیسر سہیل خالد کی مجرمانہ سرگرمیوں میں ملوث عناصر خصوصاً سنگین مقدمات میں مطلوب اشتہاریوں کے گرد گھیرا تنگ کرنے کی ہدایات پر عملدرآمد کے تسلسل میں جاری کریک ڈاؤن کے دوران ضلعی پولیس نے مختلف مقامات پر کاروائیوں کے نتیجے میں پانچ مطلوب اشتہاریوں سمیت 30مشتبہ افراد کو گرفتار کرکے انکے قبضے سے مجموعی طور پر دو کلاشنکوف،دو ریپیٹر،ایک رائفل،تین بندوق،سات پستول ،مختلف بور کے درجنوں کارتوس اورتین کلوگرام چرس برآمد کرلئے۔