ڈکیتی مزاحمت۔فائرنگ سے 4 افراد زخمی
کراچی (اسٹاف رپورٹر) فائرنگ کے واقعات میں کمسن بچے سمیت 4 افراد زخمی ہوگئے ۔ پیرآباد کے علاقے کنواری کالونی میں نامعلوم سمت سے آنے والی گولی لگنے سے 8 سالہ محمد ولد نور محمد زخمی ہوگیا ۔سرجانی ٹاؤن کے علاقے کنیز فاطمہ سوسائٹی میں ڈکیتی مزاحمت پر 25 سالہ یونس ولد عبدالرزاق اور سیکٹر سیون سی میں ڈکیتی مزاحمت پر 32 سالہ عظیم ولد قیوم زخمی ہوگیا ۔عوامی کالونی تھانے کی حدود ایم ایریا کورنگی نمبر چار کلو چوک کے قریب نامعلوم افراد کی فائرنگ سے 35 سالہ محمد اکبر ولد قیوم زخمی ہوگیا۔ پولیس کا کہنا ہے کہ مضروب نجی کوریئر کمپنی میں رائیڈر کی نوکری کرتا ہے۔
