تحریک انصاف حکومت مدت پوری نہیں کرسکے گی- نواز لیگ سندھ

کراچی (اسٹاف رپورٹر) مسلم لیگ ن سندھ کے صدر شاہ محمد شاہ ، جنرل سیکریٹری سینیٹر سلیم ضیا اور پنجاب کے سابق وزیر تعلیم رانا مشہود نے کہاہے کہ تحریک انصاف حکومت مدت پوری نہیں کریگی ۔ مڈٹرم الیکشن ہونگے ہم کو 80 کی دہائی کی جانب دھکیل دیا گیا ہے ، سہروردی والوں نے ہمارے ووٹروں کو پولنگ اسٹیشنوں کے اندر جانے سے روکا ۔ ان خیالات کااظہار انہوں نے پریس کلب میں صوبائی سیکریٹری اطلاعات خواجہ طارق نذیر ، کراچی ڈویژن کے صدر علی اکبرگجر اور ٹکٹ ہولڈرز کے ہمراہ پریس کانفرنس کرتے ہوئے کیا انہوں نے کہاکہ ملک کا اصل مینڈیٹ ہمارے پاس ہے ہمارے امیدواروں نے انتخابات میں برے حالات کے باوجود اچھے نتائج دئیے ۔ہمارے لوگوں کی وفاداریاں تبدیل کرانے کے لئے مختلف قسم کے ہتھکنڈے استعمال کئے گئے انہوں نے کہاکہ گزشتہ پانچ برسوں میں دھرنے مسلط کئے گئے جس کو ہم نے برداشت کیا ۔ انہوں نے کہاکہ ہم الیکشن کے نتائج کو تسلیم نہیں کرینگے ۔ انہوں نے کہاکہ ہم جہوریت پر یقین رکھتے ہیں ہم 2013کے پی میں حکومت بناسکتے تھے مگر ہم نے جمہوری اصولوں کو اپنا کر عمران خان کو حکومت کرنے دی ، ہم کراچی کی تمام نشستوں پر دوبارہ گنتی کرائیں گے انہوں نے عثمان ڈار کی ڈگری میٹرک اور عامر لیاقت کی ڈاکٹریٹ کی ڈگری کہاں غائب ہوگئی انہوں نے کہاکہ اتوار کو لاہور میں پارٹی کا ایک اہم اجلاس ہوگا جس میں پارٹی قیادت مستقبل کا لائحہ عمل طے کریگی ۔