نوجوان نے پھانسی لےلی۔جھاڑیوں سے لڑکی کی پھندا لگی لاش ملی

کراچی (اسٹاف رپورٹر)بفرزون میں نوجوان نے گھریلوپریشانیوں سے تنگ آکر پھانسی لے لی ۔صفورہ گوٹھ کی جھاڑیوں سے نوجوان لڑکی کی لاش ملی۔تفصیلات کے مطابق تفصیلات کے مطابق بفرزون سیکٹر 15/A/1کے مکان سے25 سالہ عالمگیر ولد طاہر نے گلے میں پھندا ڈال کر اپنی زندگی کا خاتمہ کرلیا پولیس نے لاش تحویل میں لے کر اسپتال پہنچائی، پولیس کے مطابق متوفی کافی دنوں سے پریشان تھا۔ ورثاءبغیر کسی کارروائی کے لاش ہمراہ لے گئے ۔صفورا گوٹھ چورنگی سے متصل عبداللہ شاہ غازی گوٹھ کی جھاڑیوں سے20سالہ نامعلوم لڑکی کی پھندا لگی لاش ملی جسےپولیس نے جناح اسپتال منتقل کیا ،ایس ایچ اوسچل علی رضا لغاری کو بتایا کہ نامعلوم ملزمان نے لڑکی کو اغوا کرکے تشدد کا نشانہ بنایا اور گلے میں پھنداڈال کرہاتھ پشت پر باندھ کر قتل کرکے لاش جھاڑیوں میں پھینک کر فرار ہو گئے لاش شناخت کیلئے سرد خانے منتقل کردی گئی ۔ دوبرس قبل اغوا ہونے والے مکرم جان ولد رحیم جان کی تشدد زدہ لاش ملیر کینٹ کے علاقے میمن قبرستان سے ملی ۔ پولیس نے لاش تحویل میں لے کر اسپتال منتقل کی ۔ پولیس کے مطابق مقتول گلستان جوہر کا رہائشی تھا ۔ پولیس نے لاش ورثا کے حوالے کرکے ملزمان کی تلاش شروع کردی ۔