رینجرز۔پولیس کی کارروائیوں میں امریکی شہری سمیت 25 گرفتار

کراچی(اسٹاف رپورٹر)رینجرز اور پولیس نے آپریشن کے دوران اسٹریٹ کرائم ۔ڈکیتی اور منشیات فروشی میں ملوث 25ملزمان کو گرفتار کر لیا ۔تفصیلات کے مطابق رینجرز نے محمود آباد کلفٹن اور مدینہ کالونی سےعبدالرحمن عرف پولا پاٹا،عرفان عرف بروہی اور غلام فرید کو گرفتار کرلیا۔ ملزمان اسٹریٹ کرائم ،ڈکیتی اور منشیات فروشی میں ملوث ہیں ،ملزمان کو برآمد اسلحے اور مسروقہ سامان سمیت پولیس کے حوالے کردیا گیا ۔گلبہار پولیس نے خاموش کالونی سے نظام الدین ،اکبر اور راشد کو گرفتار کر کے اسلحہ منشیات اور شراب کی بوتلیں برآمد کرلیں۔ کورنگی صنعتی ایریا پولیس نے موٹر سائیکل لفٹر امان اللہ کو گرفتار کر کے موٹر سائیکل برآمد کرلی۔کورنگی پولیس نے منشیات فروش عبدالحمید بنگالی سے آدھا کلو چرس برآمد کرلی۔زمان ٹائون پولیس نے گٹکا مافیا کے کارندے جنید کو گرفتار کر کے گٹکا برآمد کرلیا۔عوامی کالونی پولیس نے ملزم آصف کو گرفتار کر کے اسلحہ برآمد کرلیا ،جبکہ گٹکا مافیا کے 2کارندوں عثمان اور کالو کو گرفتار کر کے گٹکا برآمد کرلیا۔سعود آباد پولیس نے منشیات فروش عبدالرئیس کو گرفتار کر کے ایک کلو چرس برآمدکی ۔ماڈل کالونی اور سپر مارکیٹ پولیس نے گٹکا مافیا کے کارندوں الیاس، نعمان،عدیل اور دانش کوگرفتارکرکے گٹکا برآمد کرلیا۔ شاہ لطیف ٹاون تھانے کی خلد آباد چوکی نے ثمر عباس اور موٹر سائیکل لفٹرتنویر حسین کوگرفتارکرکے اسلحہ اور تین موٹر سائیکلیں برآمد کرلیں۔درخشاں پولیس نے کیفے ہوسٹن بریسٹو سےتین ملزمان عبدالرحیم ،شاہداور محمد علی کو گرفتار کرکے شیشہ حقہ تمباکو برآمدکیا،جبکہ شیشہ بار کا مالک فرار ہو گیا جسکی تلاش جاری ہے،دوسری کارروائی گاڑیوں کے شیشے توڑکر نیوی گیشن سسٹم و قیمتی اشیا چوری کرنے اور منشیات سپلائی کرنے والے گروہ کے سرغنہ ملزم نعمت اللہ افغانی کو گرفتار کرکے تین عدد نیوی گیشن سسٹم ، چرس اور اسلحہ برآمدکر لیا۔