بجارانی -تیغانی تنازعے نے مزید 2 جانیں لے لیں

تنگوانی/شکارپور(نمائندہ امت)شکارپور کے قریب بجارانی اور تیغانی برادریوں کے درمیام مسلح تصادم میں 2 افراد جاں بحق اور 8 زخمی ہوگئے۔اطلاعات کے مطابق ناپرکوٹ تھانے کی حدود مہران بجارانی گاؤں میں تیغانی برادری کے مسلح افراد نے حملہ کردیا۔فائرنگ کے نتیجے میں میانداد اور شاہنواز بجارانی نا می 2 افراد مارے گئے۔تصادم میں 8 دیگر افراد بھی زخمی ہوئے۔یہ امر قابل ذکر ہے کہ دونوں برادریوں کے درمیان دیرینہ دشمنی سے اب تک 30 افراد ج موت کی بھینٹ چڑھ چکے ہیں۔