اویس لغاری کے حلقے سے دوبارہ گنتی پرووٹوں کےتھیلے غائب

لاہور(آن لائن)ن لیگ کے رہنما سردار اویس لغار ی کے حلقے میں ووٹوں کی دوبارہ گنتی کے دوران ووٹوں کے تھیلے غائب ہونے کا انکشاف ہوا ہے ۔نجی ٹی وی کے اینکر کی جانب سے کئے گئے ایک ٹوئٹ میں انکشاف کیا گیا ہے کہ پی پی 292میں سردار وایس لغاری کے حلقے میں ووٹوں کی دوبارہ گنتی کے دوران کئی ووٹوں کے تھیلے غائب پائے گئے ہیں ۔ اس حوالے سے آراوز کا کہنا ہے کہ یہ تھیلے پہلے یہیں موجود تھے لیکن اب نظر نہیں آرہے ۔واضح رہے کہ اتنی بڑی بے ضابطگی کے بعد ان حلقوں میں الیکشن کے متنازعہ ہونے کا امکان پیدا ہوگیا ہے ۔اس حوالے سے اویس لغاری نے نجی ٹی وی سے گفتگو کرتے ہوئے کہا کہ ان کے تین پولنگ اسٹیشنز کے ووٹوں کے تھیلے غائب ہوگئے ہیں ۔ میں ہارا نہیں ہوں کیونکہ ابھی ووٹوں کی گنتی مکمل ہی نہیں ہوئی ہے ۔ انہوں نے کہا میں نے اس حوالے سے آراو سے بات کی ہے لیکن وہ کہہ رہا ہے کہ میں کل دیکھوں گا کہ ووٹوں کے تھیلے کہاں ہیں۔