لیاری ندی -سوئمنگ پول میں3بچے ڈوب گئے

کراچی (اسٹاف رپورٹر) لیاری ندی اور سوئمنگ پول میں 3بچے ڈوب گئے۔ 2ہلاک جبکہ تیسرے کی تلاش جاری ہے۔ سرجانی ٹاؤن کے علاقے یارو گوٹھ کے قریب سے گزرنے والی لیاری ندی کے قریب کھیلنے کے دوران 2بچے ساگر اور شان ڈوب گئے۔ ریسکیوادارے کےغوطہ خوروں نےایک لاش کونکال کرفوری طور پر قریبی اسپتال پہنچایا جہاں متوفی کی شناخت 12سالہ ساگر ولد جیون کے نام سے ہوئی جوکہ خمیسو گوٹھ کا رہائشی تھا ، جبکہ لاپتہ ہونے والے بچے 10 سالہ شان کی تلاش جاری ہے۔ پولیس کا کہنا ہے کہ متوفی اور لاپتہ ہونے والے بچے ہندو تھے۔ میمن گوٹھ کے علاقے سپرہائی وے جوکھیو موڑ کے قریب واقع فریشر فارم ہاؤس میں 5سالہ بچہ اوکاش ولد ذوالفقارڈوب کر ہلاک ہوگیا ۔ بچہ اپنے اہل خانہ کے ساتھ پکنک منانے کیلئے آیا تھا کہ سوئمنگ پل میں ڈوب کر جاں بحق ہوگیا۔