سیکرٹری کوآپریشن فش ہاربر پہنچ گئے-انتظامات کی تعریف
کراچی(اسٹاف رپورٹر)چیف سیکریٹری سندھ کے دورہ سے قبل انتظامات کا جائزہ لینے کے لیے سیکریٹری کو آپریشن ڈاکٹر نسیم الغنی سہتو کراچی فش ہاربر پہنچ گئے۔انہوں نے چیئرمین فشر مینز کوآپریٹو سوسائٹی عبدالبر کے ہمراہ فش ہاربر کا دورہ کیا۔سیکرٹری نے ایف سی ایس کے صفائی ستھرائی سمیت بہتر انتظامات کی تعریف اورمزید بہتر ی کے لیے اقدامات کی ہدایت کی ہے ۔انہوں نے فش ہاربر کی صفائی ستھرائی اورسی فوڈ کی آمد وترسیل سے متعلق معاملات و انتظامات کا جائزہ لیا۔چیف سیکریٹری سندھ میجر (ر) اعظم سلیمان خان آج (بدھ ) فش ہاربر کے دورے کے موقع پر سوسائٹی اور فش ہاربر اتھارٹی کو درپیش مسائل کا جائزہ لیں گے ۔فش ہاربر پر سی فوڈ کی ہینڈلنگ کی مزید بہتری کے لیے ضروری ہدایات دیں گے۔
