لیاری میں باکسنگ کا بڑا میلہ آج سجے گا

کراچی (اسپورٹس رپورٹر) سندھ باکسنگ ایسو سی ایشن کے زیراہتمام اور این بی پی کے تعاون سے دو روزہ سمر کراچی باکسنگ ٹورنامنٹ (آج) جمعرات سے استاد علی محمد قنبرانی باکسنگ سٹیڈیم ککری گرائونڈ لیاری میں شروع ہوگا۔ سندھ باکسنگ ایسو سی ایشن کے جنرل سیکرٹری اصغر بلوچ نے بتایا کہ ٹورنامنٹ کے تمام انتظامات مکمل کر لئے گئے اور اس ٹورنامنٹ میں کراچی ڈویژن کے جونیئر اور یوتھ کلاس کے باکسر حصہ لیں گے اور ٹورنامنٹ میں جونیئر کلاس کے چار ویٹ کیٹگریز اور یوتھ کلاس کے سات ویٹ کیٹگریز کے مقابلے رکھے گئے ہیں، جونیئر کلاس کے 45 کلوگرام، 50 کلوگرام، 52 کلو گرام اور 56 کلوگرام ویٹ کیٹگریز جبکہ اور یوتھ کلاس 49 کلوگرام، 52 کلو گرام، 56 کلو گرام، 60 کلوگرام، 64 کلوگرام، 69 کلوگرام اور 75 کلوگرام ویٹ کیٹگریز کے مقابلے شامل ہیں۔