آسٹریلیا نے پاکستان سے اسپن جنگ کیلیے کمرکس لی

سڈنی(امت نیوز) آسٹریلیا نے پاکستان سے اسپن جنگ کیلیے ابھی سے کمرکس لی سیریز سے قبل سلو بولرز کو تیاری کیلیے اے ٹیم کے ساتھ بھارت بھیجا جائے گا سیریز کے باقاعدہ شیڈول کا اعلان 2 روز میں متوقع ہے۔تفصیلات کے مطابق پاکستان اور آسٹریلیا میں دہائیوں سے جاری کرکٹ جنگ کا اگلا دور رواں برس یو اے ای میں ہوگا جہاں پر اسپنرز کا راج رہتا ہے، 2 ٹیسٹ کی مختصر سیریز کے دونوں مقابلے روایتی انداز میں دن کی روشنی میں ہی کھیلے جائیں گے، جلد ہی کینگروز سے دبئی اور ابوظبی میں کھیلی جانے والی سیریز کا شیڈول جاری کردیا جائے گا۔ گذشتہ سال سری لنکا نے پاکستان کو دبئی میں نائٹ ٹیسٹ میں 68 رنز سے شکست دی تھی۔اس مقابلے میں خاص طور پر پاکستان کے اہم ہتھیار لیگ اسپنر یاسر شاہ کو گیند پر گرپ میں مشکل کا سامنا کرنا پڑا تھا۔