پشتو گلوکارہ ریشم کو شوہر نے قتل کردیا

رسالپور (نامہ نگار )نو شہرہ میں سٹیج کی معروف پشتو گلوکارہ ریشم کو شوہر نے قتل کردیا ملزم فائد خان واردات کے بعد فرار ہوگیا مقتولہ کے بھائی کی رپورٹ پر مقدمہ درج کرلیا گیا تفصیلات کے مطابق عبیداللہ ولد عبدالرازق نے رپورٹ درج کراتے ہوئے پولیس کو بتایا کہ کہا کہ مقتولہ ریشم کی ایک سال قبل فائدہ خان ولد گل رحمان سے شادی ہوئی شادی کے بعد میاں بیوی میں لڑائی جھگڑے معمول بن گئے تھے گزشتہ رات میری بہن کو ملزم فائد خان نے کہا کہ میری ماں بیمار ہے اس کی بیمار پرسی کیلئے چلتے ہیں جس پر مقتولہ ریشم اپنے خاوند کے ساتھ اس کی ماں کے گھر ڈھیری کٹی خیل چلی گئی کافی دیر گزرنے کے بعد میں نے جب کال ملائی تو میری بہن کا نمبر بند آرہا تھا جس پر میں اس کے ماں کے گھر ڈھیری کٹی خیل گیا وہاں جب گھر کا دوروازہ کھٹکٹھایا تو دروازہ کسی نے نہیں کھولا میں نے بیٹھک کا دروازہ توڑا تو دیکھا میری بہن ریشم خون میں لت پت پڑی تھی ،پولیس نے مقدمہ درج کرکے ملزم کی تلاش شروع کردی ہے، ڈی پی او نوشہرہ ڈاکٹرزاہد اللہ نے میڈیا کو بتایا کہ ملزم کو جلد گرفتار کرلیا جائے گا۔