امریکی خلائی فوج کی تیاری پر کام شروع

واشنگٹن ( مانیٹرنگ ڈیسک )امریکہ نے خلائی فوج کی تیاری پر کام شروع کردیاہے۔ پینٹاگون نے عندیہ دیا ہے کہ مسلح افواج کی خلائی شاخ تشکیل دینے کے سلسلے میں پینٹاگون ایک تفصیلی رپورٹ امریکی کانگریس میں پیش کرنے والا ہے۔پینٹاگون کے ترجمان لیفٹننٹ کرنل جیمی ڈیوس نے میڈیا کو بتایا کہ اس سلسلے میں کانگریس کو پیش کی جانے والی رپورٹ حتمی مراحل میں ہے اور یہ جلد ہی کانگریس میں پیش کر دی جائے گی۔ امریکی صدر ڈونلڈ ٹرمپ پہلے ہی کہ چکے ہیں کہ امریکہ کو مسلح افواج کی ایک شاخ کے طور پر خلائی فوج کی تشکیل ہر صورت کرنا ہو گی جو بری فوج، بحریہ، فضائیہ ، میرین کور اور کوسٹ گارڈ سے ہٹ کر مسلح افواج کی نئی شاخ ہو گی۔