تھسارا پریرا ورلڈ کپ میں اہم ہتھیار ثابت ہونگے- سری لنکن کوچ

کولمبو (امت نیوز) سری لنکن ٹیم کے بیٹنگ کوچ تھیلان سمارا ویرا نے کہا ہے کہ آل رائونڈر تھسارا پریرا آئندہ برس شیڈول ورلڈ کپ میں ٹیم کا اہم ہتھیار ثابت ہوں گے۔ اپنے ایک بیان میں انہوں نے کہا کہ پریرا نے گزشتہ چھ ماہ کے دوران بحیثیت بلے باز اپنی کارکردگی کو کافی حد تک بہتر کیا ہے، انہوں نے جنوبی افریقہ کے خلاف پہلے ون ڈے میں مشکل وقت میں عمدہ بلے بازی کا مظاہرہ کر کے اپنی صلاحیتوں کا ثبوت دیا اور آئوٹ ہونے کے بعد بھی وہ ڈریسنگ روم میں مایوس نظر آئے کیونکہ ان کے پاس سنچری بنانے کا موقع تھا۔ انہوں نے کہا کہ پریرا ورلڈ کپ میں ٹیم کیلئے بہت اہم ہوں گے