آج یوم شہدائے پولیس بھرپور انداز میں منا یا جائے گا

کراچی (اسٹاف رپورٹر) آئی جی سندھ امجد جاوید سلیمی نے پولیس کو ہدایات جاری کی ہیں کہ آج 4اگست کو یوم شہدائے پولیس بھرپور انداز سے مناتے ہوئے شہدائے پولیس کو خراج تحسین پیش کیا جائے ۔انہوں نے کہاکہ اس دن کی مناسبت سے تمام ڈی آئی جیز و ایس ایس پیز دفاتر،ہیڈ کوارٹرز میں سیمینارز اورتقاریب منعقد کی جائیں جن میں شہدائے پولیس کے خاندانوں کو مدعو کیا جائے۔ آئی جی سندھ کا کہنا تھا کہ شہدا کے جرائم کیخلاف ناقابل فراموش کردار اور کارناموں کا تمام تر تفصیلات پر مشتمل نا صرف احاطہ کیا جائے بلکہ بینرز بھی آویزاں کئے جائیں۔ انہوں نے کہا کہ شہدا کے کارنامے سندھ پولیس کی سنہری تاریخ کا حصہ ہیں جو افسران اور جوانوں کیلئے مشعل راہ ہیں۔