سری لنکا کو سیریز بچانے کا چیلنج درپیش

کینڈی (امت نیوز) سری لنکا اور جنوبی افریقہ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا تیسرا میچ (آج) اتوار کو کینڈی میں کھیلا جائے گا، مہمان پروٹیز کو سیریز میں 2-0 کی برتری حاصل ہے جبکہ دوسری جانب میزبان آئی لینڈرز کو سیریز بچانے کا چیلنج درپیش ہے۔ جنوبی افریقہ نے سری لنکا کو پہلے ون ڈے میں 5 وکٹوں اور دوسرے ون ڈے میں 4 وکٹوں سے شکست دی تھی۔ مسلسل فتوحات کے بعد پروٹیز کھلاڑیوں کا مورال بلند ہے اور وہ تیسرے ایک روزہ میچ میں سری لنکا کو ہرا کر سیریز میں فیصلہ کن برتری حاصل کرنے کیلئے پر جوش ہیں جبکہ دوسری جانب شکست خوردہ سری لنکن ٹیم بھی تیسرا میچ جیت کر پر عزم دکھائی دے رہی ہے۔