باسکٹ بال ٹورنامنٹ 13 اگست سے کراچی میں شروع ہوگا

کراچی (امت نیوز) یومِ آزادی باسکٹ بال ٹورنامنٹ تیرہ اگست سے کراچی میں شروع ہوگا۔کراچی باسکٹ بال ایسوسی ایشن کے صدر غلام محمدخان نے یوم آزادی باسکٹ بال ٹورنامنٹ کے پر وگرام کا اعلان کر دیا ہے۔ ٹورنامنٹ میں شرکت کی آخری تاریخ دس اگست ہے جبکہ ٹورنامنٹ کے ڈراز گیارہ اگست کو رات آٹھ بجے ٹیموں کے نمائیندوں کی موجود گی میں نکالے جائینگے۔ٹورنامنٹ میں شرکت کے خواہش مند ٹیموں کو ہدایت کی ہے وہ اپنی شر کت کی تصدیق ایسوسی ایشن کے سیکریٹری طارق حسین کو کرادیں۔ٹورنامنٹ کا آغاز تیرہ اگست کو رات آٹھ بجے آرام باغ باسکٹ بال کورٹ میں ہوگا۔