رزمک میں بارودی مواد پھٹنے سے3اہلکارزخمی

بنوں(نمائندہ امت)رزمک میں سکیورٹی فورسز پر دھماکہ ، تین اہلکار زخمی ہو گئے ذرائع کے مطابق اتوار کے روز معمول کے مطابق سکیورٹی فورسز کاقافلہ رزمک جا رہا تھا۔ جانے سے پہلے علاقہ کو کلیئر کرانے کیلئے بم ڈسپوزل سکواڈ بارودی مواد کی چیکنگ میں مصروف تھا کہ رزمک بازار کے قریب پہلے سے نصب بارودی مواد زور دار دھماکے سے پھٹ گیا جس کے نتیجے میں 3 سکیورٹی اہلکار زخمی ہو گئے جنہیں بذریعہ ہیلی کاپٹر ہسپتال پہنچایا گیا واقعہ کے بعد سکیورٹی فورسز نے علاقہ میں سرچ آپریشن شروع کر دیا۔