شاہد آفریدی بھی وزیر اعظم بن سکتے ہیں-کرس گیل

لاہور(امت نیوز) کرس گیل کو شاہد آفریدی کے وزیراعظم بننے کا امکان نظر آنے لگا۔کرس گیل نے حال ہی میں شاہد آفریدی کا سب سے زیادہ 476چھکوں کا ریکارڈ برابر کیا ہے،سماجی رابطوں کی ویب سائٹ پر دلچسپ پیغام دیتے ہوئے انھوں نے کہا کہ پاکستانی آل رائونڈر کی ہمسری کرنا ایک اعزاز ہے،اب مزید کوئی چھکا نہیں۔ لگاں گا، فکر نہ کروبوم بوم آپ کا ریکارڈ محفوظ ہے۔ایک اور پیغام میں انہوں نے کہا کہ کسی کرکٹر کا وزیر اعظم کے عہدے تک پہنچنا بڑی خوش آئند بات ہے،عمران خان کے منصب سنبھالنے سے آنے والے کرکٹرز میں بھی اس سطح تک پہنچنے کی امید جاگے گی،میں خود وزیر اعظم بننے کا خواہاں نہیں لیکن عمران خان کے منتخب ہونے سے شاہد آفریدی کیلئے راستہ ضرور بن گیا ۔یاد رہے کہ کرس گیل پاکستانی کرکٹرز کے ساتھ خاصی دوستی رکھتے اور سماجی رابطوں کی ویب سائیٹ پر ان کی حوصلہ افزائی بھی کرتے رہتے ہیں۔