دھاتی ڈورپھرنے سے بحریہ اہلکار شدید زخمی

کراچی (اسٹاف رپورٹر) دھاتی ڈور پھرنے سے بحریہ اہلکار شدید زخمی ہوگیاجبکہ اتوارکو دھاتی ڈور گلے پر پھرنے سے کمسن بچی جاں بحق ہوگئی تھی۔ تفصیلات کے مطابق ماڑی پور روڈ پر دھاتی ڈور گلے پر پھرنے موٹر سائیکل سوار پاک بحریہ کا ملازم مسعود اصغر ولد شیر محمد شدید زخمی ہوگیا جسے سول اسپتال پہنچایا گیا۔ ایس ایچ او نفیس الرحمن نے ”امت“ کو بتایا کہ مضروب ڈیوٹی ختم کرکے گھر جارہا تھا اطلاع ملنے پر نیوی اہلکار اسے پی این ایس شفا لے گئے۔واضح رہے کہ اتوار کو بھی لیاقت آباد میں ڈور پھرنے سے کمسن بچی جاں بحق ہوگئی تھی۔