شارع فیصل پر 2ملزمان نے 3 طالب علموں کو لوٹ لیا

کراچی (اسٹاف رپورٹر) شارع فیصل پر نامعلوم ملزمان 3 طالبعلموں سے لوٹ مار کرکے با آسانی فرار ہوگئے ۔تفصیلات کے مطابق شارع فیصل پر ڈرگ روڈ کے قریب سے گزرنے والے 3 طالبعلموں سے موٹر سائیکل پر سوار 2 ملزمان نے اسلحہ کے زورپر لوٹ مار کی اور فرار ہوگئے ۔امت سے لوٹ مار کی واردات کے حوالے سے ایس ایچ او شارع فیصل اعظم خان سے رابطہ کیا تو ان کاکہنا تھا کہ ان کے علاقے میں کوئی لوٹ مار کا واقعہ پیش نہیں آیا اور نہ ہی تھانے میں کسی نے رابطہ کیا ہے ۔ان کا کہنا تھا کہ اگر کسی طالبعلم سے لوٹ مار کی واردات ہوئی ہے ،تو وہ تھانے سے رابطہ کریں ۔پولیس ملزمان کو جلد از جلد گرفتار کرلے گی۔