پلسکووا اور جارجرز نے راجرز کپ ٹینس ویمنز ڈبلزکا پہلا مرحلہ عبور کر لیا

مونٹریال(امت نیوز) کیرولینا پلسکووا اور جولیا جارجز نے راجرز کپ ٹینس ٹورنامنٹ ویمنز ڈبلز پہلا مرحلہ عبور کر لیا۔ کینیڈا میں جاری ایونٹ میں گزشتہ روز کھیلے گئے ویمنز ڈبلز پہلے رائونڈ میچ میں جمہوریہ چیک کی سٹار کھلاڑی کیرولینا پلسکووا اور ان کی جرمن جوڑی دار جولیا جارجز نے عمدہ کارکردگی کا مظاہرہ کرتے ہوئے ایلینا سویتولینا اور سیواستووا کو سٹریٹ سیٹس میں 6-0 اور 6-4 سے ہرا کر دوسرے رائونڈ میں جگہ بنائی۔